SmalPrat kino: multiMORF remix m/Knut Vaage

Fredag 5.2.21, 16.00, Cinemateket, USF Verftet, Georgernes Verft 12, 150,-/100,-

Billettar: http://cinemateketbergen.ticketco.events/no/nb/e/smalprat_kino_multimorf_remix_mknut_vaage

nyMusikk Bergen og NyNorsk Messingkvintett inviterer til premiere på konsertfilmen «multiMORF remix,» med musikk av Knut Vaage, elektronikk av Thorolf Thuestad og lys-/videodesign av Evelina Dembacke.
Knut Vaage vil introdusera filmen og fortella om sitt arbeid med akustiske instrument, elektronikk og lys-/videodesign i multiMORF-serien.
Med næropptak av musikarane, kvadrofonisk lyd og ein helt ny visuell design vil dette bli ei unik multimediaoppleving i kinosalen på Cinemateket USF.
SmalPrat er nyMusikk Bergens serie med foredrag, samtalar og diskusjonar. Komponisar og lydkunstnarar blir invitert til å fortella om arbeidet sitt, og delta i foredrag og diskusjonar kring ny musikk.

Om filmen: Komponist: Knut Vaage
Musikarar: NyNorsk Messingkvintett:
Erlend Aagaard-Nilsen, trompet
Jørgen Arnesen, trompet
Daniel Weiseth Kjellesvik, horn
Ingebjørg Bruket, trombone
Berger Færder, tuba
Lyddesign/elektronikk: Thorolf Thuestad
Lys- og videodesign: Evelina DembackeFilmopptak: Ronald Toppe
Lydmiks: Audun Strype
Lydopptak: Audun Strype
Lys: Stig Anderson
Videoredigering: Evelina Dembacke
Finansiert av:
Kulturrådet, TONO, Creos Vederlagsfond
Samproduksjon mellom:
nyMusikk Bergen, BrassWind and Gyldenpris Kunsthall

multiMORF remix er ei vidareutvikling av Knut Vaages multiMORF-serie, (multiMORF I-IV, 2007-13) der han og lyddesignar Thorolf Thuestad utvikla eit hybrid akustisk/elektronisk lydbilde ved å utvida klangspekteret til instrumenta gjennom utstrakt bruk av elektronikk. Originalt hadde multiMORF-serien videokunst av HC Gilje, men i multiMORF remix har den svenske lys- og videodesigneren Evelina Dembacke teke over stafettpinnen. Covid-19 og dei strenge reiserestriksjonane gjennom pandemien har lagt sterke føringar for prosjektet, og samarbeidet har i hovudsak føregått digitalt på tvers av landegrensene. Den langvarige utfordande situasjonen kjem til uttrykk både i musikk og visuell design gjennom temaer som isolasjon, venting og tilbakevending til naturen.
multiMORF remix ble framførd live i Gyldenpris Kunsthall i Bergen, 26. september 2020, i regi av nyMusikk Bergen og BrassWind-festivalen. Grunna reiserestriksjonar knytt til pandemien, fekk ikkje lys- og videodesignar Evelina Dembacke vore tilstades under konserten. Den blei difor framførd i ein musikalsk versjon utan lysdesign. Filmen multiMORF remix er basert på lyd- og videoopptak av denne konserten, kor Dembacke har fått fritt spelerom til å legga på lys- og videodesign i etterkant. Lys- og videodesign tilfører prosjektet nye meiningslag, slik at denne versjonen blir noko heilt anna enn eit ordinært konsertopptak.

https://www.facebook.com/events/440831883629608